Rubla në nivelin më të ulët historik kundrejt euros

Monedha ruse ka pësuar sot rënie në nivelin e saj më të ulët historik në përballje me monedhën e përbashkët evropiane euro, me vazhdimin e luhatjeve zhvlerësuese pavarësisht paralajmërimeve të Bankës Qendrore, e cila ka parashikuar fundjavën e kaluar një rritje të mundshme të normave të interesit.
Monedha e përbashkët evropiane ka arritur në nivele këmbimi prej 48,65 rubla për një euro, përkundër një rekordi të precedentë prej 48,46 rublash për një euro që rezultonte të premten e kaluar.
Po ashtu edhe monedha amerikane ka regjistruar rritje kundrejt asaj ruse, ku niveli i shkëmbimit u regjistrua në 35,33 rubla për një dollar dhe kjo ishte rreth orës 09:30 GMT të ditës së sotme.