Renditja e arsimit të lartë/ Universitetet shqiptare, të fundit në botë për cilësinë

Universiteti Mjekësor i Tiranës, në vendin e fundit të renditjes

Agjencia prestigjioze “Web Ranking” ka bërë renditjen e 22 mijë universiteteve në mbarë botën. Në listën e publikuar ditën e djeshme, bie në sy se universitetet shqiptare renditen në vendet e fundit për sa i përket cilësisë. Në krahasim me renditjet e kaluara universitetet shqiptare kanë një rritje, por përsëri ato renditen bashkë me universitete nga Angola apo Gana. Një vit më parë, universiteti më i mirë shqiptar ishte Universiteti Tiranës dhe mbante vendin e 8012-të, ndërsa këtë vit ai ka zbritur 650 vende në klasifikim, duke u renditur në vendin e 8667-të në klasifikimin botëror dhe i dyti në vendin tonë. Universiteti Politeknik ka zbritur 310 vende dhe ndodhet i 10382-i, Universiteti Bujqësor i 11979-i dhe si për çudi në vendin e fundit për sa i përket cilësisë renditet, Universiteti Mjekësor i Tiranës në vendin e 22010-të. Vlerësimin më të mire  nga faqja e “Web Ranking”, ndër universitetet shqiptare e ka marrë Universiteti i Vlorës “Ismail Qemali”, në vitin 2010, i cili u rendit në vendin e 5016.

LISTA

Pavarësisht se “Web Ranking” merret me renditjet e universiteteve më të mira në botë, mbetet e dyshimtë mënyra se si bëhet vlerësimi. Aktualisht “Web Ranking” i rendit universitetet në bazë të publikimeve që bëhen në faqen e internetit. Në Shqipëri në vendet e para të renditjes janë disa nga universitetet private, ndërkohë që janë lënë në mes të renditjes universitetet publike, të cilat kanë një diferencë të madhe për sa i përket cilësisë, në krahasim me privatët. Burime jozyrtare bëjnë me dije se renditja e “Web Ranking” ndikohet edhe nga lobimi që mund të bëjnë individë  apo shoqata për  universitetet të caktuara, me qëllimin e vetëm që të jenë në krye të listës.

Renditja botërore

Për sa u përket universiteteve më të mira në botë, “Harvard University” mban vendin e parë i shoqëruar nga “Massachusetts Institute of Technology” dhe “Stanford University” në vendin e tretë. Renditja e universiteteve më të mira në Evropë kryesohet nga “University of Cambridge”, “University of Oxford” dhe në vendin e tretë është “University College London”.

20 UNIVERSITETET ME TE MIRA NE BOTE

1 Stanford University

2 Massachusetts Institute of Technology

3 Stanford University

4 Cornell University

5 Columbia University New York

6 University of California Berkeley

7 University of Pennsylvania

8 University of California Los Angeles UCLA

9 University of California San Francisco

10 University of Cambridge

11 University of Oxford

11 Yale University

13 University of Texas Austin

14 (2) Johns Hopkins University

15 Texas A&M University

16 Princeton University

17 University of Utah

18 University of Florida

19 Purdue University

20 University of Michigan

20 UNIVERSITETET ME TE MIRA NE EVROPE

1 10 University of Cambridge

2 11 University of Oxford

3 49 University College London

4 52 University of Edinburgh

5 62 Ruprecht Karls Universität Heidelberg

6 66 Universität Hamburg

7 67 Universität zu Köln

8 72 Università degli Studi di Roma La Sapienza

9 75 Eidgenössische Technische Hochschule ETH Zürich

10 83 Universität Wien

11 89 Ghent University / Universiteit Gent

12 93 University of Amsterdam / Universiteit van Amsterdam

13 94 Universidad Complutense de Madrid

14 98 École Polytechnique Fédérale de Lausanne

15 100 Charles University in Prague / Univerzita Karlova v Praze

16 101 Universität Zürich

17 106 Utrecht University / Universiteit Utrecht

18 108 Ludwig Maximilians Universität München

19 109 Tel Aviv University

20 110 Universidade do Porto