Inva Mula me shfaqje operistike sonte në Shkup

Me shfaqjen “Faust”, sopranoja me famë botërore, Inva Mula do të prezantohet në mbrëmjen e së enjtes në Teatrin e Operas dhe Baletit të Shkupit, në kuadër të Mbrëmjeve Operistike të Majit.

Artistja e madhe shqiptare, Inva Mula, të enjten do të ngjitet në Teatrin e Operës dhe Baletit në Shkup, me rolin e Margarites ne shfaqjen operistike “Faust”.

Shfaqja do të prezantohet në ora 20:00, në Teatrin e Operas në Shkup.

Sopranoja me famë botërore me këtë rol ka korrur një sukses të jashtëzakonshëm me interpretimin e saj brilant si asnjë artist më parë. Sopranoja, Inva Mula është prezantuar edhe më herët para audiencës së Shkupit./Lajmpress