Ferri në nëntokën e Bukureshtit (Video)

Thellë në rrugët e Bukureshtit, në Evropë, në shekullin e 21 – ekziston një rrjet i tuneleve dhe kanalizimeve që është shtëpia e qindra burrave, grave dhe fëmijëve të prekur nga abuzimi me drogën, HIV dhe TB. Ju mund të udhëtoni në zemër të BE-së nga “Gara du Nord” e Bukureshtit, shkruajnë Paraic O’Brien dhe Jim Wickens,  por udhëtimi ynë do të zgjasë vetëm disa metra. Në sipërfaqje, një prej antarëve më të rinjë të Bashkimit Europian ka punuar shumë për të ripërcaktuar veten e tij. Por ekziston edhe një Rumani tjetër e nëndheshme. Kur diktatori Çaushesku u rrëzua ekzistonin me dhjetra jetimore dhe shërbime shtetërore në Rumani. Por në 1990 një numër raportesh kanë zbuluar se në çfarë mankthi ishin kthyer ato. Neglizhenca dhe skenat e mizorisë të kujtojnë kampet e përqëndrimit.

Pra çfarë ndodhi me ata fëmijë ?

Na është thënë se disa prej tyre u strehuan brenda tuneleve nëntokësore në Bukuresht. Varësia nga droga është e përhapur, disa prej tyre patën fëmijë midis tyre. Hyrja në këtë  nëntokë është një vrimë në një pjesë të trafikut, shumë afër stacionit. Pasdite vonë ata fillojnë të zgjohen dhe kacavirren nga toka si të “pavdekshëm”. Bashkë me ta është edhe ky djalë i vogël, Nicu, që duket rreth moshës 12 vjeçare. Më vonë zbuluam se Nicu ynë “i vogël” është në të vërtetë 17 vjeç, por zhvillimi i tij është penguar nga abuzimi me drogën. Ai bie dakort që të dërgojë fjalë poshtë, se ne kemi dëshirë të takojmë liderin e tyre. Kjo tokë e nëndheshme që po flasim, ka një lidër dhe ju mund të shkoni poshtë vetëm me ftesë. Disa orë më vonë vjen konfirmimi se ai do të na takojë tani. Me këmbë edhe duar u zvarritëm poshtë në brendësi të universit paralel të errët. Është nxehtësia ajo që të godet fillimisht. Këto tunele të vjetra ishin pjesë e projektit gjigand të Çausheskut për ngrohjen e qytetit. I gjithë vendi është i pajisur me energji elektrike, ka edhe një sitem që prodhon muzik. Nëse do të kishte një klub nate në ferr do të dukej si ky. Arritëm në dhomën e parë që ata e quajnë “Zyra”.  Përpara syve na shfaqet një grua me një shiringë në mes të këmbëve të saj dhe një djalë i vogël i cili na ka ngulitur sytë duke mbajtur në gojë një qese me Aurolac, duke e fryrë avash, si një zemër e zezë. Të gjithë janë të infektuar me HIV dhe një e katërta e tyre vuajnë nga turbekulozi.  Ata janë të gjithë në rrugën e tyre “përtej kufinjve”.Njeriu “përtej kufinjve” quhet Bruce Lee, që zhvillon edhe “ndeshje rruge”. Ai na tregon një tatuazh në këmbën e tij ku shkruhet: “Bruce Lee, Mbreti i Kanalizimeve”. Ai do të jetë udhëheqësi ynë surreal brenda vrimës tragjike të Bukureshtit.