KINË – 31 të vdekur pas një atentati vdekjeprurës në Xinjiang (Video)

Një atentat i ri ka përgjakur sot Urumqinë, kryeqytetin e Xingiangut, duke shkaktuar të paktën 31 të vdekur, shenjë e fundit e radikalizimit të një pjesë të popullsisë ujgure, me shumicë etnike në rajonin kufitar të Azisë Qendrore, e akuzuar nga Pekini për terrorizëm dhe islamizëm.
Sipas njoftimit të agjencisë zyrtare kineze të lajmeve, Hsinhua, sot në orën 07:50, dy automjete u nisën me shpejtësi drejt turmës në një treg në ambient të hapur duke e zaptuar vendin dhe hedhur eksplozivë mbi turmën.
Një prej automjeteve ka shpërthyer, sipas agjencisë kineze, që citon një dëshmitar i cili pohoi se kishte dëgjuar mbi 10 shpërthime. Agjencia nuk saktëson nëse agresorët janë përfshirë në këtë bilanc.