SEUL – Pheniani godet me predha pranë një luftanijeje koreanojugore patrullimi (VIDEO)

Koreja e Veriut ka goditur me predha artilerie në afërsi të një anijeje lufte koreanojugore që patrullonte në jug të kufirit detar që ndan të dy shtetet, kontestuar nga Pheniani në Detin e Verdhë, njoftoi Seuli.
“Predhat ranë në afërsi të anijes tonë, që po kryente patrullën si zakonisht brenda territorit tonë, por asnjë dëm nuk është verejtur në anije”, bëri të ditur një zëdhënës.
Incidenti ndodhi pranë ishullit Yeonpyeong, bombarduar në nëntor 2010 nga ushtria koreanoveriore, që shkaktoi një krizë ndërkombëtare duke çuar gadishullin në prag të konfliktit.
Në fund të muajit mars, Koreja e Veriut ka hedhur rreth 500 predha gjatë një manovre përgjatë kufirit detar me Korenë e Jugut, ku rreth 100 copë kanë rënë në brigjet koreanojugore.