Danaj: Shqiptarët e Maqedonisë të vetorganizohen për t'u mbrojtur

Për incidentet e ndodhura në lagjen Gjorçe Petrov të Shkupit, ka reaguar edhe analisti dhe publicisti nga Tirana, Koço Danaj. Ai thotë se shqiptarët në Maqedoni tashmë kanë vetëm një formë mbrojtjeje, atë të vetorganizimit. 

"E dënoj vrasjen e një të riu maqedonas nga një i ri shqiptar. Por unë dënoj akoma më shumë huliganizmin maqedonas i cili vjell vrer, urrejtje dhe ultrashovinizëm ndaj shqiptarëve, që nga parullat neonaziste deri tek shkatërrimet dhe djegiet e lokaleve të shqiptarëve. 

Që nga largimet e grave dhe fëmijëve shqiptarë në Nerez dhe Llokë nga frika e këtij mllefi dhe urrejtjeje patologjike ndaj shqiptarëve. Ka vetëm një rrugëdalje: shqiptarët duhet të fillojnë të organizojnë vetëmbrojtjen popullore. 

Përndryshe do te jetojnë gjatë me ankthin dhe frikën e shovinizmit maqedonas që 'shqiptarët e vdekur i konsideron shqiptarë të mirë’", thotë Koço Danaj.