Viktima e parë në Krime, Rusia ngrit gatishmërinë luftarake (Video)

Presidenti rus, Vladimir Putin ka dhënë një urdhër urgjent për testimin e gatishmërisë luftarake të trupave të forcave të armatosura në Rusinë qendrore dhe perëndimore.Ndërkohë në Simferopolj të Krimes, në Ukrainë, janë përleshur protestuesit pro-rus dhe pro-ukrainas, ku sipas informacioneve një person ka mbetur i vdekur, derisa janë lënduar më shumë se 20 persona.

Protestuesit anti-rusë kanë sulmuar ndërtesën e parlamentit në Krime të Ukrainës. Ka raporte për disa njerëz të lënduar.

Sulmi ka ardhur pasi grupet rivale të protestuesve janë përleshur jashtë ndërtesës, brenda së cilës ligjvënësit kanë qenë duke diskutuar situatën në gadishull, pas përmbysjes së presidentit Viktor Yanukovych.

Rreth 10 mijë tatarë të Krimesë kanë brohoritur “Ukraina nuk është Rusi”, ndërsa protestuesit pro-rusë i kanë quajtur banditë.

Ndërsa lajmi për dhënien e urdhrit të presidentit rus, Vladimir Putin, për ngritjen e gatishmërisë luftarake, është raportuar nga "Interfax" dhe agjenci të tjera informative ruse.

Një veprim i tillë konsiderohet si një tregim muskujsh pas tensionit në Ukrainë.

Një masë e tillë pritet të nxisë frikë rreth kërcënimet e mundshme për një ndarje në Ukrainës.

Mediat ruse citojnë ministrin e Mbrojtjes, Sergei Shoigu, i cili ka saktësuar se, Putin ka urdhëruar stërvitje të mërkurën në orën 14:00.

Ndërsa Kremlini nuk ka konfirmuar ende një urdhër të tillë.

Urdhri për ushtrime përfshinë trupat këmbësore, forcën ajrore, trupat ajrore, dhe mbrojtjen hapësinore, thotë Shoigu.

Një urdhër i tillë gatishmëria do të jetë në fuqi nga dita e sotme deri më 3 mars dhe do të jetë e ndarë në dy faza. Faza e dytë përfshirë ushtrime të forcës kundërvepruese, ku do të marrë pjesë flota Baltike dhe forcat bombarduese. /Telegrafi/