UKRAINË – Ish-kampioni i boksit Kliçko shpall kandidaturën për president

KIEV, 25 shkurt /ATSH-AFP/ – Ish-kampioni botëror i boksit dhe bashkudhëheqësi i protestës Vitali Kliçko, njoftoi sot shpalljen e kandidaturës në zgjedhjet e parakohshme presidenciale në Ukrainë më 25 maj.

“Unë shpall kandidaturën time për president. Jam i bindur që duhen ndryshuar tërësisht principet dhe rregullat e lojës në Ukrainë si edhe duhet rivendosur rendi dhe drejtësia”, deklaroi ai para gazetarëve në parlament.