Azi, rritje e ndjeshme e numrit të miliarderëve

Azia ka vijuar në vitin 2013 të nxjerrë miliarderë me një ritëm mjaft të shpejtë duke ruajtur vendin e parë në rang botëror pas Amerikës së Veriut, sipas një studimi të kryer nga shoqëria “Hurun Report” me seli në Shanghai. ”Një total prej 216 personash janë shtuar në radhët e listës së 1,867 personave, pasuria e të cilëve i kalon një miliard dollarët amerikanë”, sipas një studimi të publikuar sot.
Kjo paraqet më shumë se gjysmën e 414 personave më të pasur në mbarë botën që i shtohen kësaj liste të publikuar nga revista kineze.
”Pasuria e shtuar e miliarderëve e kalon Produktin e Brendshëm Bruto (PBB) të Japonisë”, theksoi Hurun. Kina, ekonomia e dytë më e madhe në botë, konfirmon përparimin e saj me 358 miliarderë, në vendin e dytë pas SHBA-së, e cila numëron 481 miliarderë.
“Sipas Rupert Hoogewerf, themelues i ‘Hurun Report’, 90 prej këtyre miliarderëve kineze zënë njëkohësisht me biznesin e tyre, funksionet më të larta këshilluese në sferën politike. Kjo është pjesë e suksesit”, komentoi ai.
Sipas Hurunit, në krye të listës është Bill Gates, bashkëthemeluesi i Microsoftit, i cili kaloi meksikanin Carlos Slim, tashmë i pozicionuar në vendin e katërt.