LOS ANXHELES – Një kopje e ”Mein Kampf”-it, e nënshkruar nga Hitleri, shitet 65 000 dollarë

LOS ANXHELES, 28 shkurt /ATSH-AFP/ – Dy volume të pamfletit ideologjik të Adolf Hitlerit “Mein Kampf”, të nënshkruara nga vetë autori, u shitën në Los Anxheles për 65 000 dollarë, njoftoi dje shtëpia e ankandeve ”Nate D. Sanders”. Dy volumet që skicojnë ideologjinë antisemite të regjimit nazist, i ishin dhuruar nga Hitleri oficerit eses Josef Bauer, një nga anëtarët e parë të partisë naziste dhe një nga personat më të afërt të fyhrerit të ardhshëm. Në ankand morën pjesë 11 blerës. Edhe pse në Gjermani nuk është botuar, kjo vepër gjendet shumë lehtë në internet./ a.jor.