Një çift i dashuruar pakistanez vritet me gurë

Ritet e lashta të vrasjes me gurë për ata që tradhëtojnë vazhdojnë edhe sot në Pakistan.

Gjashtë persona janë arrestuarnë jugperëndim të Pakistanit, nën dyshimet për vrasjen e një burri dhe një gruaje me gurë të cilët dyshoheshin se tradhëtonin bashkëshortët respektivë.

Të dy viktimat ishin të martuar me njerëz të tjerë dhe u akuzuan për tradhëti bashkëshortore, besohet se ata ishin rreth moshës 20 dhe 30 vjeçare.

Zyrtarët lokalë thonë se burri dhe gruaja janë gjuajtur me gurë nga turma e irrituar deri sa kanë vdekur, në një fshat në provincën Baluçistan.

Babai dhe vëllai i gruas, si dhe babai dhe xhaxhai i burrit janë arrestuar bashkë me një klerik që ka lëshuar urdhrin për vrasjen e tyre. Një tjetër person i lidhur me klerikun po mbahet në burg.

Në pakistan qindra njerëz vriten çdo vit në emër të mbrojtjes së “nderit të familjes”, por vrasja me gurë është shumë e rrallë.