BRAZIL – Presidentja Rousseff fton papa Françeskun për Kampionatin Botëror të Futbollit

BRAZILIA, 18 shkurt /ATSH-AFP/ - Presidentja e Brazilit, Dilma Rusef, bëri të ditur sot se do të ftojë papa Françeskun, i apasionuar pas futbollit, në Kupën e botës që fillon në qershor në Brazil, gjatë takimit që do të zhvillojë me të të premten në Vatikan.

“Do ta ftoj atë për Botërorin”, deklaroi presidentja braziliane duke njoftuar se do të marrë pjesë të premten në asamblenë ku do të zgjidhen kardinalët e rinj mes të cilëve edhe ai brazilian Orani Tempesta, arkipeshkvi aktual i Rio de Zhaneiros.

Kryetarja e shtetit theksoi se Papa është tifoz i klubit argjentinas San Lorenzo: “Ai do të mbështesë ekipin e tij dhe unë timin”, u shpreh presidentja.

Brazili dhe Argjentina janë rivalë të përjetshëm në futboll.