Ndalohen mbathjet me dantella, protestë në Kazakistan

Disa gra janë ndaluar në Kazakistan, pasi kishin dalë në protestë kundër një vendimi për të ndaluar mbathjet me dantella.

Gratë kishin dalë në protestë me mbathje me dantella në duar e në kokë.

Një tjetër demonstruese tha se banorët kanë marrë mesazhe telefonike që të mos dalin në protestë.

Nga korriku i këtij viti pritet që të ndalohet prodhimi, importi dhe shitja e mbathjeve me dantella në Kazakistan, Rusi dhe Bjellorusi.

Zyrtarët thonë se këto mbathje nuk e thithin si duhet lagështirën.

Ligji është miratuar në vitin 2011, por nuk ka hyrë në fuqi deri më tani.