FOTOT/ “Pasi vrava personin e 22-të, nuk i numërova më”

Historia e saj po trondit Shtetet e Bashkuara të Amerikës, edhe pse dëshmia e saj ende nuk është e vërtetuar dhe ka shumë njerëz që hedhin dyshime mbi të.

Bëhet fjalë për 19- vjeçaren Miranda Barbour, që ka deklaruar se ka vrarë së paku 22 njerëz.

Madje ajo ka deklaruar se pasi vrau personin e 22-të, nuk i numëroi më.

Për hetuesit, ajo ka deklaruar se ka vrarë vetëm njerëzit e këqij, që bënin gjëra të këqija.

Ajo i ka pranuar krimet në një intervistë për një gazetë nga burgu.

Ajo thotë se ka marrë pjesë së paku në 22 vrasje në gjashtë vitet e shkuara në Alaska, Teksas, Karolinën e Veriut dhe në Kaliforni.

Barbour thotë se ka qenë pjesë e një kulti satanik dhe i nisi vrasjet në Alaskë, kur ishte 13 vjeç.

Në intervistë, ajo ka deklaruar se është abuzuar seksualisht kur ka qenë katër vjeç.

Ajo thotë se në sektin satanik e ka futur një person, të cilin nuk e ka identifikuar.

Në prangat e policisë ka rënë edhe bashkëshorti i saj, me të cilin kishte lidhur kurorë në tetor të vitit të shkuar.

Elytte Barbour, 22 vjeç, ka pranuar se gruaja e tij organizonte takime me meshkuj përmes faqes Craigslist.

Por ai tha se nuk i bëhej vonë, pasi nuk ka pasur kontakte seksuale mes gruas së tij dhe klientëve.

“Ajo nuk ishte prostitutë,” tha ai.

Por një nga personat me të cilët dilte e shoqja, u gjet i vdekur.

Prokuroria thotë se të dy e kanë vrarë Troy LaFerrara pasi e takuan online.

Organi i akuzës kërkon burgim të përjetshëm për të dy.

Adoleshentja ka edhe një fëmijë, të cilin thuhet se e ka me një burrë, që tani ka vdekur.

Edhe vdekja e tij po hetohet.