BE-ja vendos sanksione ndaj Ukrainës (VIDEO)

Në një takim të jashtëzakonshëm në Bruksel të ministrave të Jashtëm të BE-së, është miratuar vendimi që të vendosin sanksione kundër zyrtarëve ukrainas.

Ata konsiderohen përgjegjës për dhunën e kësaj jave dhe përdorimin e tepruar të forcës, transmeton BBC.

Masat e miratuara sot, nga Ministrat e Jashtëm të Bashkimit Evropian, përfshijnë ndalesa të vizave dhe ngrirje të aseteve.

Shtetet e Bashkuara kanë thënë të mërkurën se kanë vendosur sanksione kundër 20 zyrtarëve ukrainas.

Numri i të vdekurve në trazirat antiqeveritare në Ukrainë, ka ngritur në 50 numrin e të vdekurve.

Video të shumta po qarkullojnë nëpër media ku shihen duke u vrarë protestuesit nga armët e zjarrit, përfshirë snajperët.

Ndërkohë, presidenti i Rusisë, Vladimir Putin, ka dërguar Vladimir Lukinin në Kiev, për të vepruar si ndërmjetës midis Qeverisë së Ukrainës dhe udhëheqësve të opozitës.

Kremlini ka bërë publik lajmin pas një bisede telefonike midis Putinit dhe presidentit të Ukrainës, Viktor Yanukovych, transmeton REL.