Shtëpia e Bardhë: Takim i presidentit Barack Obama me Dalai Lamën

UASHINGTON, 21 shkurt /ATSH-AFP/ – Presidenti amerikan, Barack Obama priti sot Dalai Lamën në Shtëpinë e Bardhë, njoftoi Këshilli i Sigurisë Kombëtare, (NSC), një takim që ka shkaktuar irritimin e Kinës.

“Presidenti aktualisht po zhvillon një takim me shenjtërinë e tij Dalai Lamën në cilësinë e një lideri fetar dhe kulturor të respektuar në rang ndërkombëtar”, theksonte ‘NSC’ në faqen zyrtare të rrjetit ”Twitter”.

Takimi, i parashikuar në axhendën e presidentit Barack Obama për orën 10:00 (me kohën lokale), nuk ishte i hapur për mediat./

/I.P/