850 mijë somalezë vuajnë nga mungesa e ushqimit

Më shumë se 850 mijë somalezë vuajnë nga mungesa e ushqimit dhe jetojnë në krizë dhe kushte të jashtëzakonshme, deklaroi drejtori i Kombeve të Bashkuara për operacione humanitare, Xhon Ging, i cili kohë më parë u kthye nga vizita treditore në Somali.

Ai theksoi se edhe dy milionë somalezë nuk kanë siguruar ushqim.

Somalia është vend i goditur nga thatësirat, uria dhe përleshjet e armatosura, të cilat zgjasin me dekada. Vlerësohet se numri i banorëve të saj arrin rreth dhjetë milionë persona.

KB-ja ka dërguar apel për 933 milionë dollarë për krizën humanitare në Somali këtë vit, por Ging kumtoi se deri tani janë marrë vetëm 36 milionë dollarë.