Selanik, bllokohet furgoni i nisur nga Shqipëria me 691 kg drogë

Policia greke ka bllokuar një furgon frigorifer, brenda të cilit u gjet 691 kilogramë lëndë narkotike.

Nga të dhënat paraprake siç raporton Noa, mësohet se furgoni kishte mbërritur nga Shqipëria, ndërsa lënda narkotike e llojit kanabis sativa ishte fshehur në tavanin e tij.

Në qëndrimin e policisë greke thuhet se lënda narkotike kishte si destinacion Gjermaninë, ndërsa Greqia shërbente si vend tranzit.

Në cilësinë e provës materiale u bë sekuestrimi i lëndës narkotike, ndërsa u arrestua drejtuesi i furgonit me moshë 41 vjeçare si dhe pasagjeri që ndodhej në të me moshë 51 vjeç.