Kolumbi, merr zjarr autobusi, 31 fëmijë të vdekur (VIDEO)

Së paku 31 fëmijë kanë gjetur vdekjen pasi autobusi i cili i transportonte drejt një shkolle fetare në Fundacion, në veri të Kolumbisë mori zjarr.

“Në autobus ishin vetëm fëmijë dhe shoferi. Gjetëm trupat e 31 fëmijëve të pajetë”, u shpreh kryebashkiaku i Fundacion, Luz Stella Duran Manjarrez.

Flitet se pak para ngjarjes shoferi i autobusit ishte parë me një enë me benzinë në dorë, duke ngjallur dyshime, për shkak se shoferi nuk gjendet askund.

Krahas të vdekurve 24 fëmijë kanë mbetur të plagosur rëndë, me djegie të shkallës së dytë dhe të tretë.

Mjeti i djegur transportonte fëmijë me moshë nga 1 deri në 8 vjeç.