Neki Emra, lanson album për të ndihmuar familjet e varfra (VIDEO)

Këngëtari Neki Emra sapo ka përfunduar albumin e tij ‘live’ me këngë të vjetra qytetare të ripërpunuara në zhanre të ndryshme. E me këtë album në të cilin ka përmbledhur të gjitha perlat e këngës sonë, Neki ka thënë që do të ndihmojë familjet në nevojë.

Ai për gazetën Tribuna ka treguar se albumi ka dalë në shitje për vetëm një euro, ndërsa të hollat e fituar do t’i dhurohen familjeve që jetojnë në skamje.

‘’CD-ja ime është në shitje dhe çmimi është vetëm 1 Euro. Të gjitha mjetet që i mbledh do t’i dhurojë për familjet e varfra”, ka thënë Neki në fillim të bisedës, ndërsa ka treguar se ku mund ta blejmë këtë projekt. 

“CD-ja shitet në mbrëmjet kudo që këndoj nëpër Kosovë. Sa ma shumë që shiten aq më shumë familje do të përfitojnë ushqime bazike që do t’i blej e do t’i dërgoj te ata’’, ka thënë këngëtari i cili ka theksuar për fund se beson që edhe publiku do ta japë kontributin e tyre për familjet në nevojë.