Dhjetë destinacionet më zhgënjyese në botë

Nga Ishulli i Lirisë, Walt Disney e deri tek Hollivudi

Këto vende popullore më shumë janë destinacione zhgënjyese që duhen anashkaluar se sa vende që duhen parë me patjetër. Një vend shumë i famshëm, sidomos për të pasionuarit e filmave është Hollivudi. Sepse sipas guidave turistike ky vend ka ‘gjithçka’, por ju duhet të nënkuptoni se do të gjeni njerëz agresivë të veshur si personazhet e filmave që duan të paguani për një foto, një trotuar plot me yje, dhe një muzeum me karakteret e filmave prej dylli. Përse doni të vini këtu përderisa ju nuk jeni ndjekës fanatikë të këtyre yjeve? Yjet e vërtetë qëndrojnë larg. Një tjetër vend që iu këshillohet nga guidat turistike është edhe Walt Disney. Po e dini që në këtë vend do të paguan shumë të kripura? Kujt i pëlqen të paguajë 99 dollarë në një park të rrethuar nga fëmijët e njerëzve të tjerë? Vetëm për një shishe me ujë, duhet të shpenzoni 2.5 dollarë. Dhe nëse mendoni të blini një kokteil për të shuar disi dhimbjen që ofron bota e Disney-t, duhet të harxhoni 8.5 dollarë për pije. “Huffington Post” rreshton më poshtë dhjetë destinacionet më zhgënjyese në botë. Ju mund t’i vizitoni, por është më mirë të lexoni se çfarë iu pret në këto vende…/Përgatiti: Endri Farka

1. Gjibraltari
Ky territor, rreth 2.3 milje katrorë që nuk ndodhet as në Britani e as në Spanjë, tërheq mijëra turistë. Nëse keni planifikuar të shkoni atje, ju duhet të prisni shumë gjatë që të kalonin kufirin dhe pasi e keni bërë këtë gjë dhe keni arritur atje, nuk ka ndonjë gjë të veçantë për të parë përveçse një shkëmbi të mërzitshëm, disa pabe të rreme angleze, dhe një grup majmunësh të egër që u pëlqen të ngacmojnë njerëzit.

2. Ujëvara e Niagarës, Nju Jork
Po ta shohësh ujëvarën e Niagarës nga Kanadaja, patjetër që ke një pamje më të mirë të saj. Ana kanadeze na paraqet pamje më të mira të tre ujëvarave (Ujëvarës amerikane, Vellos Martesore (Bridal Veil Falls) dhe Ujëvarës së Patkoit (Horseshoe Falls).. Është mirë që të kalohet kufiri në mënyrë që të shihen më qartë. Po ta vizitosh ujëvarën nga ana amerikane, nuk është edhe aq interesante.

3. Temple Bar, Dublin
Dublini është një qytet madhështor. Ka një kështjellë dhe një arkitekturë të mrekullueshme, ka kolegje të njohura dhe hapësira të blerta. Gjithashtu ka shumë gjëra për të bërë dhe për të parë që shkojnë përtej pabeve të lodhshëm irlandezë. ‘Temple Bar’ është një shembull kryesor i turistëve të dehur e të shfrenuar që duhet shmangur me çdo kusht. Ky bar vë në konkurrencë vizitorët se kush arrin të pijë më shumë. Përpiquni ta shmangni atë dhe kërkoni për një pab tjetër kudo nëpër Dublin për një eksperiencë më të mirë.

4. Hollivud, Kaliforni
Hollivudi ka gjithçka – nëse tek kjo ‘gjithçka’ ju nënkuptoni njerëz agresivë të veshur si personazhet e filmave që duan të paguani për një foto, një trotuar plot me yje, dhe një muzeum me karakteret e filmave prej dylli. Përse doni të vini këtu përderisa ju nuk jeni ndjekës fanatikë të këtyre yjeve? Yjet e vërtetë qëndrojnë larg.

5. Nasau, Bahamas
Rreth 1 milion pasagjerë në vit i hipin anijeve për të vizituar Nasaun (kryeqytetin e Bahamas). Vërrtet dëshironi të shkoni në një vend ku zbarkojnë një milion vizitorë të cilët, harxhojnë orë larg aktiviteteve të përditshme. Këto vizitorë priten të harxhojnë shumë para.

6. Ishulli i Lirisë (Liberty Island), Nju Jork
Që të arrini në këtë ishull, duhet të kapërceni disa rrugica. Shumë. Nëse nuk prini një biletë brenda kohës, do t’ju duhet të prisni shumë kohë. Më pas duhet të prisni përsëri për të dorëzuar biletën tuaj. Pastaj ju duhet të prisni për të hipur në traget. Për të zbritur nga trageti. Ishulli është i mbushur plot me njerëz. Për një statujë që simbolizon lirinë, nuk ja vlen të presësh kaq shumë.

7. Frankfurt, Gjermani
A e dini se qytetet e mëdha gjithmonë kanë qarqe financiare? Dhe se si ky qark financiar është plotësisht bosh dhe i vdekur gjatë natës, me çdo gjë të mbyllur? I gjithë qyteti i Frankfurtit është një nga qarqet financiare më të mëdha. Sigurisht është një nga qendrat financiare më të mëdha botërore, por është shumë e mërzitshme dhe nuk ke shumë gjëra për të bërë.

8. Bota e Walt Disney, Florida
Kujt i pëlqen të paguajë 99 dollarë në një park të rrethuar nga fëmijët e njerëzve të tjerë? Vetëm për një shishe me ujë, duhet të shpenzoni 2.5 dollarë. Dhe nëse mendoni të blini një kokteil për të shuar disi dhimbjen që ofron bota e Disney-t, duhet të harxhoni 8.5 dollarë për pije.

9. Kazablanka, Marok
Shumë fluturime ndërkombëtare në Marok arrijnë në Kazablanka, por shumë vizitorëve do t’u pëlqente sikur fluturimi të vazhdonte më tej. Ky qytet komercial përbëhet më shumë nga ndërtesa zyrash dhe shpesh quhet qyteti ‘pa shpirt’ nga shumë turistë. Nëse dëshironi një eksperiencë më autentike duhet të vizitoni pjesën tjetër të Marokut.

10. Las Vegas, Nevada
A ka vend më të dëshpërueshëm se sa brenda një kazinoje në tre të mëngjesit? Drita fluoreshente dhe një mjegull e dendur tymi nuk përbëjnë elementët e pushimeve të ëndrrave. Përveç humbjes së parave në poker, duhet të harxhosh edhe para të tjera për të blerë ushqim dhe për të blerë biletat e shtrenjta. Nëse shkon në Las Vegas e ke të garantuar që do të largohesh nga ky qytet më i varfër se sa erdhe.