Detaje rreth zgjedhjeve presidenciale më 25 maj në Ukrainë

Më shumë se 36 milionë zgjedhës do të thirren më 25 maj të votojnë në Ukrainë për të zgjedhur presidentin e tyre pas shumë muajve nga një krizë që shkaktoi largimin e ish-drejtuesit Viktor Janukovitç dhe çoi vendin në prag të një lufte civile.
Bëhet fjalë për zgjdhjen e gjashtë presidenciale që prej pavarësisë së kësaj ish-Republike sovjetike në vitin 1991. Fituesi, i zgjedhur për pesë vite do të bëhet presidenti i pestë i Ukrainës. Emrat e 21 kandidatëve janë shkruar në fletët e votimit, por dy tashmë kanë njoftuar tërheqjen nga gara presidenciale.
Miliarderi pro-perëndimor Petro Porochenko është shpallur më favorit në këto zgjedhje nga institutet e sondazheve me rreth 30 për qind të votave shumë përpara ish-kryeministres dhe inspirueses së Revolucionit Portokalli të vitit 2004, Julia Timoshenko. Më pas, 17 kandidatët e tjerë kanë marrë secili më pak se katër për qind të votave.
Nëse, 36 milionë zgjedhës duhet të votojnë, kryengritja pro-ruse në lindje të vendit dhe veçanërisht në rajonet Lugansk dhe Donetsk, mund të pengojnë rreth dy milionë zgjedhës të votojnë.
Dhe zgjedhësit e Krimesë, gadishull i enksuar në Rusi në fund të një pushtimi nga forcat ruse de një referendumi që komuniteti ndërkombëtar nuk e njeh, teorikisht mund të largohen nga rajoni dhe të votojnë në jug të Ukrainës.
Votimi, i cilësuar si vendimtar nga perëndimorët dhe cilësuar nga Rusia se ngjan me një detyrë të demokracisë nën oshëtimën e topave, do të fillojë në orën lokale 08:00 (05:00 GMT) dhe do ët përfundojë në orën 20:00 (17:00 GMT).
Asnjë pjesëmarrje minimale nuk është njoftuar për vlefshmërimë e zgjedhjeve, që prej një ndryshimi në muajin mars të ligjit zgjedhor. E thënë ndryshe, qendrat të votimit të hapura në zonat e mbajtura nga rebelët pro-rusë e kanë të pamundur pavlefshmërinë e zgjedhjeve.
Nëse asnjç kandidat nuk merr më shumë se 50 për qind të votave , një tur i dytë është parashikuar tre javë më vonë, më 15 qershor, për dy kandidatët që kryesojnë.