Çifti i sapomartuar, laborator heroine në shtëpinë pranë Kullës së Pizës (VIDEO)

Një çift i sapomartuar u arrestua në një apartament fare pranë Kullës së Pizës, pasi në ambientet ku ata jetonin u zbulua një laborator i vërtetë heroine. Mediet italiane njoftojnë se në pranga ra 32-vjeçari shqiptar me inicialet K.E. dhe gruaja e tij rumune 31 vjeçe, me inicialet D.C. Fillimisht agjentët e policisë gjetën një sasi të vogël heroine në makinën e tyre, gjatë udhëtimit nëpër qytet, pasi këto ditë sapo ishin martuar. Nga kontrolli i imtësishëm në shtëpinë e tyre u gjetën të paktën 50 kg heroinë, me vlerë 500 mijë euro. Ekspertët italianë mendojnë se droga mund të ketë mbërritur nga Shqipëria dhe laboratori përdorej për ta përzier drogën me lëndë të tjera. Në këtë video duken momentet gjatë ndërhyrjes së karabinierëve në shtëpinë e tyre dhe gjetja e sasisë së madhe të drogës./M.M