BDI heq dorë nga dygjuhësia në nivel shtetëror?

Shpatat me të cilat BDI lavdërohej gjatë fushatës zgjedhore, si duket janë ndryshkur menjëherë sapo përfaqësuesit e kësaj partie janë ulur përballë Mijallkovit dhe Jankullovskës. Burime partiake që thonë se janë të njohura me detajet e negociatave, kanë njoftuar për “Lajm” se BDI ka hequr dorë nga kërkesa për zyrtarizim të gjuhës shqipe në nivel shtetëror dhe tani kërkon vetëm mundësinë për udhëheqje të seancave parlamentare në gjuhën shqipe.

Zyrtarisht, dy partitë vazhdojnë të jenë shumë diskrete sa i përket rrjedhës së bisedimeve. Ajo që thuhet është se në këtë fazë do të thuren vetëm kornizat e marrëveshjes së re. BDI-ja këmbëngul për marrjen e kryetarit të kuvendit dhe zhbllokimin e procesit euro-integrues. /Lajm