Vietnami ndal protestat, Kina nis evakuimin

Në Vietnam, qytetet kryesore janë pushtuar nga policia, në shenjë paralajmërimi për protestat anti-Kinë, të dielën, për shkak të trazirave të rralla dhe vdekjeprurëse në parqet industriale, që rritën tensionet me Pekinin për sovranitetin në Detin e Kinës Jugore. 

Kina ka evakuuar më shumë se 3000 shtetas kinezë pas sulmeve ndaj punonjësve dhe pronarëve kinezë të bizneseve, gjatë javës së kaluar, ndërsa Pekini ka dërguar 5 anije të dielën për të ndihmuar shtetasit e tij të kthehen në vend, raporton agjencia shtetërore e lajmeve Xinhua.

Disa arrestime janë bërë në kryeqytetin Hanoi, si dhe qytetin të Ho Chi Minh qendër të tregëtisë, vetëm pak minuta pasi grupe njerëzish u përpoqën të nisnin protestat, sipas dëshmitarëve, teksa ligjvënësit komunistë të Vietnamit janë të vendosur për të shmangur përsëritjen e një tjetër rasti dhune si javën e kaluar, në 3 provinca kryesore në jug dhe qendër të vendit.

Irritimi ka pushtuar Vietnamin, pasi një firmë shtetërore kineze e energjisë, CNOOC, nisi dhjetra anije rreth 2 javë më parë, të cilat u ngarkuan me fuçi nafte në vlerën e rreth 1 milion dollarëve, diku 240 km larg bregut të Vietnamit, një zonë që pretendohet nga të dy vendet si territor i tyre.

Kjo ishte lëvizja më e vendosur që Kina ka bërë në detet, të cilat besohen se kanë miliarda fuçi nafte pasuri, si dhe vjen vetëm pak ditë pas vizitës së presidentit amerikan Barack Obama, në disa prej vendeve aleate të Azisë që janë përfshirë në mosmarrëveshje territoriale me Kinën.

Një zyrtar amerikan në Uashington e përshkroi veprimin e fundit të Kinës si provokues dhe tha se marrëdhëniet e tensionuara të Pekinit me fqinjët e tij mund të prishin ndjeshëm marrëdhëniet e tyre me Shtetet e Bashkuara.

“Synimi ynë është të protestojmë në mbështetje të qeverisë, për të siguruar fuçitë e naftë që ndodhen në ujrat territorialë të Vietnamit”, tha Van Cung, 74 vjeç, një ish-kolonel ushtrie, i cili u përpoq të protestonte jashtë Ambasadës kineze në Hanoi. / Top Channel