VIDEO: Rusia fishkëllet gjatë Festivalit Europian të Këngës

Përfaqësueset e Rusisë në Festivalin Europian të Këngës janë fishkëllur.

Rusia u përfaqësua në gjysmëfinale nga binjaket 17- vjeçare, Motrat Tolmachevy.

Sipas BBC, fillimisht ato u pritën ngrohtë gjatë performancës së këngës së tyre “Shine”.

Por kur kënga e tyre u përzgjodh për në finale, pati fishkëllima në sallë.

Më shumë se 10 mijë persona ishin të pranishëm në spektaklin e organizuar në Kopenhagen.

Disa ekspertë thonë se Rusia do ketë probleme me votimin në Eurovizion për shkak të krizës në Ukrianë dhe qëndrimit ndaj të drejtave të homoseksualëve.

Ndërkohë, për në finale është kualifikuar edhe Ukraina.

Për herë të parë në Finale do jenë San Marino dhe Mali i Zi.

Aram Mp3 nga Armania me këngën “Not Alone” është favoriti i bastexhinjve për të fituar.