TAJLANDË – Gjykata Kushtetuese vendos shkarkimin e kryeministres, Shinawatra

BANGKOK, 7 maj /ATSH-AFP/ – Gjykata Kushtetuese vendosi sot shkarkimin nga detyra të kryeministres tajlandeze, Yingluck Shinawatra, pasi u shpall fajtore për abuzime me pushtetin duke e zhytur vendin akoma më shumë në krizë.
“Yingluck nuk mund të mbajë më postin e kryeministrit duke marrë parasysh çështjet aktuale”, deklaroi një gjyqtar i Gjykatës në leximin e vendimit, transmetuar në televizion.
Gjykata vendosi gjithashtu largimin e të gjithë ministrave të përfshirë në këtë çështje lidhur me transfertën për një funskionar të lartë. Ajo nuk bëri të ditur emrat e tyre duke lënë dyshime në lidhje me mundësinë që një prej ministrave të mbetur të zëvendësojë Yingluck.