Tani gjithçka i përket Katarit?

BILD

 

Ata investojnë miliarda çdo vit- duke preferuar më së shumti sipërmarrjet e mëdha gjermane.

Familja që drejton Katarin, së fundmi po tenton të fusë nën sqetull edhe Bankën Gjermane (Deutsche Bank), duke investuar 1.75 miliardë euro.

Kjo do të thotë se në të ardhmen, 6 përqind e aksioneve do i përkasin sheikut të shkretëtirës.

Marrëveshja nënkupton se ai do jetë aksioneri i vetëm më i madh në bankë. Ai nuk do përfshihet me çështjet e bankës, por pret 17 përqind fitim për çdo investim.

“Dyert janë të hapur. Katari nuk ka më sekret dhe as mision, për të pushtuar botën,”thotë një bankier i nivelit të lartë, që është angazhuar me shumë transaksione.

“Qëllimi është që të kapin sa më shumë aksione në sipërmarrjet e mëdha”.

Për momentin, Qatar Holding ka aksione edhe tek Volkswagen (17 përqind), tek Credit Suisse dhe Barclays (rreth 7 përrqind) dhe tek klubi Paris Saint- Germain.

Gjatë muajve të shkuar ata kanë blerë paketa më të vogla aksionesh tek Royal Dutch Shell, tek gjigandi i bizhuterive Tiffany’s, tek Louis Vuitton dhe tek gjigandi bavarez Siemens.

Por jo vetëm kaq.

Ata kanë 20 përqind aksione tek Bursa e Londrës.

100 përqind të aksioneve të Harrod’s, qendra tregtare simbol e Londrës, me një çmim shitje prej 1.8 miliard euro.

9 përqind aksione tek Hochtief.

13 përqind aksione tek Lagardere.

100 përqind aksione tek Printemps.

100 përqind aksione tek banka bavareze Merck Fink.

Së fundmi, ata janë përfshirë edhe në investimet në infrastrukturë. Në vitin 2012 ata morën 20 përqind të aksioneve të aeroportit Heathrow në Londër për 900 milionë sterlina.

Por edhe gazsjellësit, portet dhe autostradat janë në shënjestrën e sheikut.

Edhe televizioni arab Al Jazeera i përket familjes mbtërore.

Fondi Monetar Ndërkombëtar përllogarit se volumi i investimeve jashtë vendit nga fondi i Katarit shkon në 136 milionë euro.

Po nga vijnë paratë?

Fondi shtetëror i Katarit vlerësohet se ka 200 miliardë dollarë investime dhe çdo vit bëhet edhe më i madh.

Paratë vijnë nga eksporti i naftës dhe gazit.

Shteti i Gjirit është eksportuesi më i madh në botë i gazit të lëngshëm.

Me një çmim prej 100 dollarë për barel, ata fitojnë 200 miliardë dollarë në vit. Pas shpenzimeve të tjera, fondit i mbeten 50 miliardë dollarë për investime.

“Nuk ka rëndësi nëse janë aksione, bono, të patundshme. Ne i kemi hedhur sytë në çdo sektor të çdo vendi në botë,” pati deklaruar nëndrejtori i Qatar Holding, Hussain al- Abdullah.

Për këto investime vendosin vetëm një grusht njerëzish.

“Kur marrëveshja i kalon 5 miliardë dollarë, vendimin e merr vetë Emiri,” tha një i brendshëm.

Në verën e vitit 2013, sheiku Hamad Bin Khalifa al- Thani, 61 vjeç, ia la pushtetin të birit, Tamim, 33 vjeç. Askush nuk e kishte menduar një kalim të tillë kaq shpejt.

Por ata angazhohen edhe politikisht.

Familja mbretërore e Katarit mbështeti rebelët kundër Gaddafi-t në Libi. Sot kundërshtarit e regjimit sirian marrin para dhe armë nga ky shtet.

Ata thuhet se kanë dhënë 400 milionë dollarë edhe për Hamasin. Edhe rebelët në veri të Malit, marrin para nga Doha. Por edhe talibanët dhe salafistët radikalë.

Elita e këtij shteti është synite dhe njësoj si në Arabinë Saudite, synon të dobësojë shitët në Siri dhe Iran.