Rrahen me grushta 2 miqtë e ngushtë, shkak Miranda Kerr (Video)

Modelja Miranda Kerr është kthyer në një “moll sherri” mes dy miqve të ngushtë, ose më saktë dy milionerëve. Bëhet fjalë për dy nga njerëzit më të pasur në Australi, të cilët janë zënë mjaft keq me njëri-tjetrin.

James Packer, i përfolur si i dashuri i ri i Miranda-s është zënë mjaft rëndë me mikun e tij David Gyngell, pasi ky i fundit nuk e kapërdiu vendimin e James për të lënë bashkëshorten e tij, për romancën e re të nisur me modelen.

Lidhja e fshehtë mes tij dhe Mirandës kishte kohë që qarkullonte në media. Miliarderi Packer, në fund të vitit të kaluar njoftoi ndarjen nga bashkëshortja e tij, ndërsa Miranda Kerr është ndarë në tetorin e kaluar nga ish-bashkëshorti Orlando Bloom.