Prishtinë, arratisen tre pjesëtarë të “Grupit Drenica”

Kryetari i komunës së Skënderajt, Sami Lushtaku

Tre pjesëtarë të grupit “Drenica” janë arratisur nga Qendra Klinike Universitare e Kosovës, konkretisht vendi ku mbaheshin të burgosurit e sëmurë dhe aktualisht ata ndodhen në kërkim nga Policia e Kosovës.

Ndërmjet të arratisurve është edhe kryetari i komunës së Skënderajt, Sami Lushtaku, ish-epror i lartë i Ushtrisë Çlirimtare të Kosovës.

Lajmi bëhet i ditur nga mediat e Kosovës, të cilët i refereohen burime zyrtare nga Shërbimi Korrektues i Kosovës. Policia e Kosovës tashmë ka krijuar rrathët mobilizues për t’iu rënë në gjurmë dhe për t’i kapur të arratisurit nga QKUK-ja.

Drejtori i Sherbimit Korrektues, Shemsi Hajrizi, ka konfirmuar për Indeksonline se, Sami Lushtaku dhe të dy të tjerët janë arratisur nga QKUK-ja.

Burime zyrtare i kanë referuar mediave të Prishtinës se se Sami Lushtaku, Sahit Jashari si dhe Ismet Haxha mund të jenë arratisur nga QKUK-ja. Kurse, Sabit Geci është transferuar në burgun e Dubravës.

Ngjarja ka ndodhur pas tensionimit të situatës si pasojë e kërkesës së EULEX-it për t’i transferuar këta të burgosur në burgun e Mitrovicës së veriut i cili administrohet nga serbët.

Të paraburgosurit Sami Lushtaku, Sahit Jashari, Ismet Haxha… apo pjesëtarët e të ashtuquajturit Grupi i Drenicës ndodheshin në Qendrën Klinike Universitare të Prishtinës.

Dje, Gjykata vendosi t’i dërgoje ata në Veri të Kosovës. Njerëz pranë të paraburgosurve duke folur për mediat e Prishtinës theksuan se “Ekziston rreziku se ata nuk do të dalin te gjallë nga ai burg, pasi që serbët menaxhojnë tërësisht këtë burg”.

Nga Grupi i Drenices, jashtë QKU-së, ndodhet Sylejman Selimi, i cili është dërguar në Dubravë