Pamje rrënqethëse nga përmbytjet në Bosnjë dhe Serbi (Foto & Video)

Të paktën 20 vetë u vranë, dhjetëra mijëra të evakuuar, mbi 250,000 familje mbetën pa energji në atë që është quajtur 'përmbytja më e keqe' në të gjithë Ballkanin. Zyrtarët në Bosnjë thonë se 12 persona kanë vdekur nga dhjetëra qytete të përmbytura në tri ditët e fundit . Serbia ka numëruar tetë të vdekur deri më tani, njoftoi AP. "Kjo është përmbytja më e madhe në 100 vitet e fundit. Një gjë e tillë nuk ka ndodhur kurrë në historinë e Serbisë" , tha kryeministri, Aleksandar Vuçiç në një konferencë për shtyp të enjten. "Kjo nuk është përmbytje por një katastrofë. Natyra nuk ka qenë kaq e rëndë për ne," tha ministri serb i Energjisë, Aleksandar Antiç.

Të premten, rreth 135,000 familje kanë mbetur pa energji në të gjithë Serbinë, dhe qeveria miratoi importin e energjisë emergjente. Ndërsa 65.000 të tjerë kanë qenë pa energji elektrike në Bosnje, njoftoi Reuters.

Të enjten, qeveria serbe shpalli gjendjen e jashtëzakonshme në të gjithë vendin, dhe kërkoi ndihmë ndërkombëtare. Një nga situatat më të vështira ishte në Obrenovac, një periferi në kryeqytetin Beograd, e cila u zhyt pothuajse e tëra për shkak të lumit Kolubarës të tejmbushur. Evakuimi po vazhdon në këtë zonë. Mijëra njerëz janë shpëtuar nga përmbytjet mbi çatitë.

Një fotograf në Obrenovac vlerësoi nivelin e ujit të arritur deri në 2-3 metra. "I gjithë qyteti është nën ujë", tha ai. Dyqanet në Beograd po përjetojnë mungesa të ujit të pijshëm, njoftoi agjencia e lajmeve RIA Novosti.

Qeveria serbe kërkoi që njerëzit të dhurojnë anije për autoritetet, dhe u kërkoi pronarëve të hotelit të sigurojnë strehim për punonjësit e shpëtimit.

Brenda natës, mijëra forca ushtarake, policisë dhe zjarrfikës u organizuan për të ngritur rërën mbrojtëse nga përmbytjet rreth qytetit të Sabac. Në disa zona, ekipet e shpëtimit mund të arrijnë tek vendasit vetëm duke përdorur anije dhe helikopterë, aq gjendje alarmante është.

Autoritetet në Bosnje kanë thënë se janë evakuuar 10,000 njerëz nga zona lindore të Bijeljina-s në vendosjen e tyre në shkolla. Në Zeljezno Polje të Bosnjës qendrore, rreth 1.000 vetë duke përfshirë foshnjat, gratë shtatzëna, të moshuarit dhe personat me aftësi të kufizuara janë evakuuar pas qindra shtëpive të mundshme.