Myslimanët rrezikojnë martesën mes Xhorxh Klunit dhe Alamudin

Nëse do të martoheshin vërtet në Londër, në shtator, siç pëshpëritet prej ditësh, gjë që është përforcuar edhe nga shfaqja e një unaze të bukur, ajo mes Xhorxh Klunit dhe Amal Alamudin, mund të shndërrohet në martesën e vitit. Por, për fat të keq, komuniteti mysliman drus të cilit i përket ajo, nuk është dakord me këtë lidhje.

Në “Facebook”, paska nisur një fushatë e vërtetë anti-dasmë. Për myslimanët fanatikë libanezë, vend nga i cili vjen bukuroshja Amal, avokate 36-vjeçare, e cila ka magjepsur një nga yjet e  “Hollywood”-it, Xhorxh Kluni na qenka një burrë “jo besnik”, sepse nuk i përket fesë së tyre dhe martesa me të do ta detyronte komunitetin mysliman të akuzonte nusen e ardhshme për shkelje të parimeve të islamit. Një problem i madh për Xhorxhin, i cili pas shumë kërkimeve dhe të fejuarave, në moshën 52-vjeçare, dukej se kishte gjetur më në fund shpirtin e tij binjak. Aq sa ka menduar të rikthehet në altar për herë të dytë (e para ishte në ’93 me Talia Balsam). Gjithnjë nëse do t’ia lejojnë myslimanët.