Ish-kancelari Schmidt paralajmëron kundër një Lufte të Tretë Botërore

BERLIN, 16 maj /ATSH-AFP/ – Ish-kancelari gjerman, Helmut Schmidt paralajmëroi kundër rreziqeve të një Lufte të Tretë Botërore, në një intervistë të zhvilluar sot.
“Rreziku që situata është përkeqësuar si në gushtin e 1914 po rritet nga dita në ditë”, vlerësoi socialdemokrati 95-vjeçar, i lindur pak para fundit të Luftës së Parë Botërore, i cili shërbeu në ushtrinë gjermane gjatë Luftës së Dytë Botërore, në një intervistë të botuar në të përditshmen gjermane “Bild”.
“Situata na paraqitet gjithnjë e më shumë e krahasueshme. Evropa, amerikanët por gjithashtu dhe rusët po sillen siç e përshkruan Christopher Clark në librin e tij “Sonambulat”, shtoi ai. Ai u shpreh i mërzitur kundrejt zyrtarëve dhe burokratëve në Bruksel, të cilët, sipas tij “kuptojnë shumë pak” rreth politikës së jashtme.