Dita Botërore e larjes së duarve, ja kush janë rregullat

Në fillim lagen duart, merret pak sapun, fërkohen pëllëmbët me njëra tjetrën, gishtat kryqëzohen në formë gërsheti, fërkohen mollëzat dhe në fund shpëlahen me ujë. Ja si duhet të lahen duart në 12 lëvizje, sipas Organizatës Botërore të Shëndetësisë. E gjithë procedura zgjat nga 40 deri në 60 sekonda.

Operacion i sikletshëm? Aspak, pasi ndihmon për një higjenë të mirë, sidomos kur redukton rrezikun e përhapjes së infeksioneve. Para së gjithash në spital.

5 maji është Dita Botërore e higjenës së duarve, shpesh e lënë në harresë edhe nga vetë mjekët. Sipas një studimi, në Itali, tre mjekë profesionistë në dhjetë, akoma injorojnë ujin dhe sapunin.

Ndërkohë në të gjithë botën ka pasur fushata reklamuese me mbishkrimin: “A i keni larë duart?”.