Bayerni fiton Kupën e Gjermanisë (VIDEO)

Bayern Munich është fitues i Kupës së Gjermanisë. Bavarezët në finale të kësaj gare e kanë mposhtur Borussia Dortmundin me rezultat 2:0, pas vazhdimeve.
Pas triumfit në Bundesligë, skuadra e Bayern Munich e ka fituar edhe Kupën e Gjermanisë.
Skuadra e Pep Guardiolas në finale të kësaj gare e ka mposhtur Borussia Dortmundin me rezultat 2:0, pas vazhdimeve.
Koha e rregullt e kësaj ndeshje përfundoi pa gola, edhe pse të dy skuadrat patë raste për të realizuar gol. Kurse, vetëm pas vazhdimeve u përcaktua fituesi. Në minutën e 107-të, Arjen Robben realizoi gol golin e epërsisë 1:0, derisa në minutën e 120-të Thomas Muller shtoi avantazhin në 2:0.
Xherdan Shaqiri ishte në bankën rezervë të Bayern Munichut, por nuk u aktivizua në lojë për asnjë minutë nga Pep Guardiola.Ndërsa, Borussia Dortmund mbeti duarthatë. Ekipi i Jurgen Kloppit mund të kënaqet vetëm me vendin e dytë në Bundesligë.