11 fuqitë ushtarake: Amerika mund të luftojë me pjesën tjetër të planetit!

Buxheti ushtarak i SHBA-ve është 612 miliardë dollarë. Përkundër të gjitha uljeve të shpenzimeve në ushtri, SHBA-të shpenzojnë më shumë se 10 vende të tjera së bashku.

1. Amerika

Buxheti ushtarak i Amerikës është 612 miliardë dollarë. Përkundër të gjitha uljeve të shpenzimeve për ushtrinë, SHBA-të shpenzojnë më shumë se 10 vende të tjera së bashku.

Përparësia më e madhe e armëve konvencionale është në të vërtetë në ato marinës. Amerika ka 19 transportues aeroplanësh, ndërsa 10 vende të tjera kanë "vetëm" 12 sosh. Kjo ia lejon Amerikës që fuqinë e saj ushtarake ta përhap në të gjithë botën.

Forca e saj qëndron në aviacion të fuqishëm dhe të shumtë, që është më e madhja në botë. Sigurisht që ekziston edhe një forcë e trajnuar mirë njerëzore dhe SHBA-të kanë arsenalin më të madh bërthamor në botë.

2. Rusia

Pas më shumë se dy dekadash, pas rënies së BRSS-së, forcat ushtarake ruse do të rriten përsëri.

Buxheti për ushtrinë, në qoftë se shikohet në krahasim me vitin 2008, është rritur pothuajse për një të tretën.

Rritja pritet që në tre vitet e ardhshme të jetë rreth 44 për qind më e lartë se sot. Buxheti aktual ushtarak i Rusisë është 76,6 miliardë dollarë.

Rusia aktualisht ka 766 mijë trupa aktive plus një përbërje rezervë që numëron rreth 2,5 milionë ushtarë. Rusia ka armatën më të madhe të tankeve, e cila numëron rreth 15 mijë automjete.

3. Kina

Kina filloi një politikë të pamëshirshme të shpenzimeve për buxhetin ushtarak, i cili vitin e kaluar arriti në 12,2 për qind të GDP-së.

Sipas shifrave zyrtare, Kina ka një buxhet ushtarak prej 126 miliardë dollarësh, por jo zyrtarisht, mund të jetë edhe më i lartë.

Madhësia e ushtrisë kineze është, siç mund të thuhet ”e frikshme”. Në fakt ka 2,285,000 ushtarë aktivë ndërsa fuqia rezervë numëron rreth 2,3 milionë njerëz.

Kina është thënë se është shumë e suksesshme në "vjedhjen" e teknologjisë së ndjeshme dhe moderne, të tilla si "interesimi" i tyre të për F-35.

4. India 
Tani për tani, India konsumon vetëm 46 miliardë dollarë në fondet për ushtrinë, por pritet të rrisë buxhetin, në përputhje me modernizimin e ushtrisë.

Sipas vlerësimeve afatgjata, në vitin 2020, ishte menduar të jetë vendi i katërt për “alokimet” për ushtrinë.

Tani për tani, vendi më i madh për importet e pajisjeve ushtarake.

India posedon raketa balistike që mund të godasin çdo pikë në Pakistan, dhe shumicën e territorit të Kinës.

5. Britania e Madhe

Britania e Madhe planifikon zvogëlimin e forcave të armatosura me 20 për qind, në periudhën midis vitit 2010 dhe 2018, si dhe pritet të bëjë disa shkurtime të marinës dhe forcave ajrore.

Buxheti për ushtrinë është 54 miliardë dollarë.

Megjithatë Mbretëria e Bashkuar ka plane të mëdha.

Ata kanë në plan që aeroplanmbajtësen "Mbretëresha Elizabeth", e cila ka një zonë rreth 4,5 hektarësh, të vënë në shërbim gjatë vitit 2020.

Aeroplanmbajtësja do të jetë në gjendje për të kryer 40 aeroplanë F-35B.

6. Franca

Franca ngriu fondet për ushtrinë edhe gjatë vitit 2013, e ndjekur nga një reduktim prej 10 për qind të punësuarve në ushtri, për të shpëtuar teknologjinë e përparuar. Ky vend shpenzon 43 miliardë dollarë në vit për ushtrinë, e cila është më pak se standardet e përcaktuara të pritura, të imponuara nga vendet anëtare të NATO-s.

7. Gjermania

Fuqia e ushtrisë gjermane varet në fuqinë ekonomike të vendit.

Kohët e fundit, Gjermania ka ofruar ndihmë ushtarake për shtetet anëtare të Evropës Lindore të NATO-s.

Përndryshe, ushtria gjermane shpenzon 45 miliardë dollarë.

Pas Luftës së Dytë Botërore, gjermanët janë kryesisht kundër luftës dhe forcat ushtarake ishin të kufizuara kryesisht në mbrojtje.

Megjithatë, pas shpërbërjes së Jugosllavisë, Gjermania merr një rol më aktiv ndërkombëtar.

Gjermania ka 183,000 ushtarë aktiv ndërsa forcat rezervë arrijnë në rreth 145,000 ushtarë.

8. Turqia

Turqia pritet të rrisë alokimin e saj për ushtrinë këtë vit - 9,4 për qind më shumë se më parë.

Buxheti aktual është 18,2 miliardë dollarë.

9. Korea Jugore

Koreja e Jugut ka rritur alokimet për ushtrinë për shkak të “armatosjes” më të madhe të Kinës dhe Japonisë, por edhe për shkak të kërcënimit të vazhdueshëm të Koresë së Veriut. Koreja e Jugut aktualisht shpenzon 34 miliardë dollarë në mbrojtje.

Ky vend, në përbërjen aktive ka 640,000 ushtarë, ndërsa përbërja rezervë ka rreth 2,9 milionë njerëz.

Përveç kësaj, Koreja e Jugut ka 2,346 tanke dhe 1,393 dhe aeroplanë.

10. Japonia

Japonia, ishte hera e parë në 11 vitet e fundit vendosi të rrisë shpenzimet për ushtrinë, kryesisht për shkak të mosmarrëveshjeve me Kinën.

Gjithashtu pas 40 viteve, ka pasur një zgjerim ushtarak dhe ka ndërtuar një bazë të re në njërin nga ishujt japonezë.

Ky vend shpenzon 49,1 miliardë dollarë.

Japonia ka 247,000 trupa aktive dhe një shtesë prej 57,900 vetave, të cilët janë në forcat rezervë.

Përveç kësaj, ky vend ka forcën ajrore, e cila ka 1,595 aeroplanë - e pesta në botë, si dhe 131 anije.

11. Izraeli

Izraeli në vitin 2009 ka ndarë 18,7 për qind të buxhetit për ushtrinë.

Buxheti ushtarak i Izraelit është 15 miliardë dollarë.

Një përqindje e madhe e buxhetit ushtarak është ndarë për teknologji të mbrojtjes.

Kjo mbështetet nga mbrojtja anti-raketore, që mund të “ndërpres” raketa që vijnë nga drejtimi i Palestinës. /Telegrafi/