Kërkon personin që i shpëtoi jetën (Video)

Një person në Londër është duke e kërkuar personin që i kishte shpëtuar jetën 6 vite më parë.

Ai kishte dashur që të hidhet nga ura në vitin 2008 kur një i panjohur i ishte afruar dhe duke i folur e kishte bindur që të mos bëjë vetëvrasje.

Jonny Benjamin është diagnostifikuar me çrregullime mendore dhe kishte pasur vështirësi që në një periudhë të jetës ta përballoj atë më së miri.

“Ai ishte i qetë dhe më tha. Mos e bëjë këtë. Kam qenë në pozitën tënde dhe e di që do të përmisohesh. Ta pimë nga një kafe dhe të flasim për problemet që mund të kesh”, rrëfen Benjamin.

“Akti i atij personi i cili më ndali që të bëjë vetëvrasje, më ka bërë që të ndryshoj shikimin për botën dhe kam menduar për të që nga ajo kohë. Dua që ta gjejë këtë person në mënyrë që ta falënderoj për atë që ka bërë. Nëse nuk do të ishte ai unë sot do të isha i vdekur”, rrëfen më tutje ai.

Jony e ka nisur një kampanjë “Në kërkim të Mike”, i cili atë kohë ishte rreth 20 vjeç. Që nga ajo kohë ai nuk e ka parë më atë dhe tani dëshiron që ta shoh prapë. /Zëri/