100 universitetet më të suksesshme në tregun e punës. Oksfordi kryeson.
Universiteti i Oksfordit kryeson renditjen vjetore botërore që mat performancën e universiteteve sipas punësimit të të diplomuarve të tyre. ...
https://flurudha-portal.blogspot.com/2014/01/100-universitetet-me-te-suksesshme-ne.html
Universiteti i Oksfordit kryeson renditjen vjetore botërore që mat performancën e universiteteve sipas punësimit të të diplomuarve të tyre.
Oksfordit, i cili ka ngjitur tri vende në sondazhin e këtij viti, ka zhvendosur Universitetin e Harvardit nga maja e renditjes, ndërkohë që Universiteti i Cambridge-it (në vend të tretë), i Stanfordit (në të katërtin) dhe Massachusetts Institute of Technology (MIT) (i pesti) plotësojnë pesë më të mirat.
Lista është hartuar nga grupi këshillues francez i burimeve njerëzore Emerging Associates bashkë me Trendence, një institut gjerman sondazhesh dhe kërkimesh.
Ai bazohet në përgjigjet e 2700 rekrutuesve në 20 shtete, të cilët u pyetën cili nga universitetet e tyre lokale nxirrte të diplomuarit më të aftë. Ka 14 universitete britanike në 150 më të mirët, me University College London (UCL) ( 13) dhe University of Edinburgh (15) që i bashkohen çiftit të Oxbridge në top 20.
Megjithatë, universitetet e Shteteve të Bashkuara kryesojnë tabelën, duke mbajtur 45 vende në renditjen e përgjithshme, duke përfshirë 7 në top 10.
Sipas Emerging Associates, performance e shteteve të vogla të Evropës Veriore si Holanda, Zvicra dhe shtetet skandinave ka surprizuar këtë vit.
“Në vija të përgjithshme, universitetet e specializuara për biznes priren për të pasur sukses, gjë që është e kuptueshme, por ajo që bie në sy në një numër të caktuar të shteteve që është që universitetet që kanë rezultate më të mira janë ato që ia kanë dalë të përshtaten me pritshmëritë e rekrutuesve, edhe kur nuk përkojnë me specializimin e tyre”, ka thënë Sandrine Belloc, drejtore e of Emerging Associates.
Belloc shton që, përveç metodologjisë aktuale, rekrutuesve iu kërkua të shprehnin “idenë e tyre si duhet të jetë një universitet perfekt”.
Rezultatet tregojnë që praktikat e studentëve vlerësohen shumë nga punëdhënësit, kat thënë ajo.
Jonathan Black, drejtori i zyrës së karrierës në Oxford, ka thënë për Times Higher Education që kur studentët diplomohen dhe hyjnë në botën e punës, duhet të jenë të përgatitur për “një lojë 50-vjeçar”.
“Kur diplomohesh 21 vjeç duhet të punosh për 50 vjet…Ne duhet të edukojmë njerëzit për jetën,” ka thënë ai.
Ai shtoi: “Ne nuk e përfshijmë punësimin në kurrikulum, por ajo që bëjmë ne si shërbim karriere është të flasim me punëdhënësit dhe të zbulojmë çfarë mendojnë ata që u mungon studentëve tanë dhe pastaj të përpiqemi të plotësojmë (studimet e tyre) me programe extrakurriculare.”/mapo
100 universitetet që shkëlqejnë në punësim në gjithë botën