Transporti ajror shënon fitime rekord

Bota mund të jetë në krizë, por industria e udhëtimeve ajrore pritet të shënojë fitime rekord prej 19.7 miliardë dollarësh në vitin 2014, bëri të ditur një studim i Shoqatës Ndërkombëtare të Transportit Ajror, IATA.

Organizata me bazë në Gjenevë tha se ulja e kostove, karburanti më i lirë dhe rritja e kërkesës për udhëtime qenë shkaktarët e rritjes së pritshme të fitimeve. Për këtë vit, fitimet e kësaj industrie pritet të jenë 12.9 miliardë dollarë. Për IATA-n, fakti është që ndërsa fitimet po rriten, normat e fitimit po qëndrojnë të pandryshuara.