Sulmohet përsëri Rusia, shpërthen autobusi të paktën 14 viktima (VIDEO)

Rusia është tronditur gjatë ditës së djeshme dhe sot pasi dy shpërthime terroriste u kanë marrë jetën dhjetra personave.

Dje ndodhi një sulm vetëvrasës në një stacion treni duke vrarë 17 persona, ndërsa sot ka ndodhur një sulm i ngjashëm në qytetin Volgograd ku humbën jetë së paku 14 persona dhe u plagosën 20 të tjerë.

Bomba ka qenë e vendosur në një autobus të mbushur me pasagjerë që po shkonin në punë. Shpërthimi ka shkatërruar autobusin dhe ka thyer dritaret e banesave përreth.

Sipas “BBC”-së, policia ruse është vënë në aksion duke siguruar të gjitha mjetet e transportit, sidomos stacionet hekurudhore.

Aktualisht kanë nisur hetimet për të zbuluar detaje mbi shpërthimin, ndërsa sipas mediave vendase ato po hetohen si akte terroriste, ndërsa asnjë grup nuk ka marrë përgjegjësinë.

Kryengritjet islamike në rajonin e Kakukazit kanë sjellë shumë sulme gjatë kohëve të fundit, ku në qendër të suleve janë qytetet e mëdha. Autoritetet vendase janë të shqetësuara për Lojërat Olimpike Dimërore që do të mbahen vitin që vjen, pasi një shpërthim do të sillte shumë viktima.