Daçiç: Serbët dhe Serbia nuk janë kurrfarë faktori në botë

“Kudo ku kam qenë, kam takuar boshnjakë, shqiptarë e turq, dhe ne jemi shumë më shumë, por nuk iu shoh në asnjë vend”  

“Serbët sot në botë nuk janë kurrfarë faktori, as Serbia si vend dhe as Serbia si diasporë. Këtë e them pasi s’kam takuar asnjë serb në strukturat politike ku kam qenë. Kudo ku kam qenë, kam takuar boshnjakë, shqiptarë e turq, dhe ne jemi shumë më shumë se ata, por nuk iu shoh në asnjë vend”. Kjo ka qenë deklarata e kryeministrit serb, Ivica Daçiç, në një konferencë për biznesin e Serbisë në diasporë. 

Ai kërkoi nga serbët një organizim më të mirë dhe  jo vetëm fjalë e përqafime. Daçiç po ashtu ka kujtuar se pa serbë në rajon, nuk ka qeveri në Kroaci dhe se Hashim Thaçi në Kosovë sundon përmes serbëve. 

/Shekulli Online/ E.B./