10 momentet më pikante në futboll gjatë 2013-s

Gazetari i njohur italian i sportit Roberto Beccantini ka stiluar dhjetë momentet më të bukura në futboll gjatë 2013-ës. Në vendin e parë gazetari italian vë lamtumirën e Sir Alex Ferguson dhe në vendin e dytë Bayern-in e Jupp Heynckes. Po poshtë po iu sjellim renditjen e tij të plotë.

Nga Roberto BECCANTINI

1.   Lamtumira e Fergusonit

Nuk e kishte marrë akoma titullin Sir kur në nëntor të 1986-ës, kur u prezantua tek Manchester United. Në 27 vjet, ka fituar dhe stërfituar gjithçka. Me të, Man. United është shndërruar në një skuadër model. Shumë lojtarë kanë shkëlqyer nën ndikimin e tij si Bryan Robson, Eric Cantona, David Beckham dhe Cristiano Ronaldo. Kur nervozohej, u gjuante lojtarëve me këpucë.

2.   Bayern-i i Jupp Heynckes

Champions League, Bundesliga dhe Kupa e Gjermanisë. Heynckes u kthye në një simbol për gjermanët. 68-vjeçari me skuadrën e tij asfaltoi Juventusin në dy ndeshje (2-0; 0-2), vuri me shpatulla mbas muri Barcelonën e Messit (4-0;0-3). Në vend të tij erdhi Pep Guardiola, por mbetet i paharrueshëm stili “vertikal” i skemave të skuadrës së tij.

3.   Stefano Borgonovo

Nuk mund të mungojë një kujtim i të gjithë atyre që na kanë lënë. Stefano është mishërim i trishtimit. Sëmundja e egër që e ka zënë, i ka paralizuar të gjithë trupin duke i lënë vetëm trurin “ndezur”. Borgonovo ishte një sulmues thelbësor. Ai i dhuroi Milanit të Arrigo Sacchi-t një gol të çmuar përballë Bajernit.

4.   Gafa e portierit të Southampton, Artur Boruc.

Në një ndeshje të Premier League, në stadiumin Britannia, Boruc u gënjye nga goditja e topit të portierit Asmir Begovic, të skuadrës Stoke City. Begovic shënoi në portën e Boruc nga 90 metra largësi.

5.   Përsëritja

Në 26 tetor të këtij viti, futbolli mbushi plot 150 vjeç. I lindur në Londër në vitin 1863. Ky sport i ri zgjodhi këmbët në dallim nga loja me dorë në regbi. Megjithëse akoma vazhdojnë të ngatërrohen.

6.   Rrëmuja e diskriminimit territorial

Nuk kuptohet më asgjë. Rifutet në derivatet e racizmit, u parcelizua dhe u italianizua. Stadiume të mbyllura, të rihapura, të hapura për fëmijët. Rregulla të ndryshuara. Jo të denja për ofendimet dhe sharjet.

7.   Blerja e aksioneve të Interit

Manjati indonezian Erick Thohir blen shumicën e aksioneve të Interit. Moratti ishte president dhe padron i kësaj skuadre që nga viti 1995. Një kthesë epokale për shoqërinë dhe futbollin italian.

8.   “Kopja e Djallit”

Ky është Milani i dy administratorëve. Silvio Berlusconi mori nën zotërim Milanin në vitin 1986, duke e shndërruar në një nga klubet më të mira në botë. Mes stafetës së të besuarit të tij Adriano Galliani dhe vajzës Barbara cili do të jetë pasardhësi?

9.   Çështja e arbitrimit

Në ndeshjen Hoffenheim – Bayer Leverkusen që përfundoi me rezultatin 1-2, arbitri i ndeshjes Felix Bryck dha aprovimin për një gol që Stefan Kiessling (sulmues i Leverkusenit), nuk e kishte shënuar kurrë. Me pak fjalë: një goditje me kokë, topi jashtë porte, futet në rrjetën e çarë dhe gol. Rezultat i miratuar.

10.  Supergoli i Di Natale.

Çfarë goli fantastik ai i Di Natales ndaj Kievos. Një e majtë e fortë nga cepi në cep, dhe topi që futet në anën e djathtë të portës. Një kontroll topi prej një mjeshtri të vërtetë dhe finalizim perfekt. Ky gol të kujton golit e Francesco Totti-t kundra Sampdoria-s në Marassi.