VIDEO: Shpati: Gjithçka përfundoi me Afërditën

Këngëtari Shpat Kasapi ka pohuar vendimin për ndarjen me Afërdita Dreshajn, pasi nuk po u shkonte më lidhja.

Ai ka mohuar të ketë marrë këtë vendim me kërkesë të nënës së tij, Gjylymsere Kasapi, profesoreshë në universitet, pasi nuk i duronte fjalët që përfliteshin për Afërditën.

“Kam deklaruar unë që jam ndarë nga Afërdita dhe jo mamaja ime, siç është shkruar në disa portale. Kam dhënë vetëm një deklaratë të shkurtër dhe nuk dëshiroj të flas më shumë, thjesht nuk na shkonte”, transmetojnë mediat shqiptare të ketë deklaruar Shpati.

Në anën tjetër, modelja Dreshaj po shijon qëndrimin e saj në Shtetet e Bashkuara të Amerikës, ku është e angazhuar me projekte në fushën e modës. Krahas angazhimeve profesionale ajo po kalon çaste familjare, dhe po argëtohet me mikeshat e saj.