Duet mes një pianisti dhe një elefanti të talentuar (VIDEO)

Edhe pse ne jemi qenia më superiore në Tokë, ka edhe kafshë të egra që zotërojnë talente dhe që janë të mençura. Para pak kohësh sollëm për ju një elefant piktor ku pikturat e tij u shitën mijëra dollarë, ndërsa tani kemi një tjetër elefant i cili është muzikant.

Pianisti Paul Barton vendosi të testonte dy elefantë në Bankog nëse ata kishin vesh muzike. Që prej vitit 1996 ai luan muzikë për ta, pasi ajo ndikon tek psikologjia e elefantëve dhe i bën të ndjehen më të qetë.

Por kejt papritur në punën e tij ai zbuloi një talent. Teksa luante në pianon e tij një elefant u afrua dhe filloi të shtypte tastet me feçkën e tij. Kjo e mallëngjeu jashtë mase pianistin i cili vijoi të luante dhe duket se u bë një grup i talentuar mes tyre.

“Elefantët janë një qenie shumë e veçantë, ata ndjejnë dashuri apo pikëllim njësoj si ne”,- deklaroi pianisti.