Plaçkitet shtëpia e Balotelit, i grabisin edhe makinën “Porche”

Një tjetër aventurë e shëmtuar për Mario Balotelin. Sulmuesi i Milanit ka përfunduar sërish në shënjestër të hajdutëve mbrëmjen e djeshme, duke i marrë sende me vlerë në apartamentin e tij në Limido Comasco.

Mes gjërave të grabitura, janë objekte të shtrenjta prej ari, orë dhe makina “Porche S” e bardhë, pastaj e gjetur pas disa orësh në Legnano. Futbollisti i Milanit e kishte kaluar mbrëmjen me vëllain e tij Enoch dhe kur u kthye në shtëpi, e gjeti shtëpinë e tij të plaçkitur,

Surpriza e pakëndshme për “SuperMarion” vjen pak ditë pas një tjetër incidenti që i ndodhi sulmuesit kuqezi në fillim të majit, kur së bashku me vëllanë Enoch, ishte protagonist i një grindjeje me një djalë që i kishte vjedhur celularin jashtë një diskoteke në Milano.

Baloteli ka qenë i trishtuar për këtë ngjarje dhe në “Twitter” ka komentuar: “Ndihem bosh, pa emocione. Por do të luftoj gjithnjë për njerëzit që dua. E meritojnë”.