Mumbai, shtëpia më e shtrenjtë në botë sa 7 “World Trade Center”

Shtëpia private më e shtrenjtë në botë? E fillojmë me ndonjë numër: ka 27 kate; më shumë se 37 mijë metra katrorë sipërfaqe, më e madhe se Reggia e Varsailles; 6 kate parkimi nëntokë; 3 vende për ngritje-zbritje helikopterësh; 9 ashensorë.

Për ta ndërtuar pronari ka harxhuar mes një miliard (728 milionë euro) dhe dy miliardë dollarë, aq sa mund të krahasohet me shtatë “World Trade Center”. Për ta mirëmbajtur, janë të punësuar 600 persona.

Ku ndodhet? Në zemër të Mumbait. Quhet “Antilia” dhe i takon miliarderit Mukesh Ambani, njeriu më i pasur i Indisë. Ka qenë revista “Forbes”, e cila çdo vit bën renditjen e njerëzve më të pasur, ajo që ka publikuar listën e shtëpive më të shtrenjta të planetit.