Ja si është krijuar Hëna…(Video)

Shkencëtarët kanë përgatitur një simulim të ri i cili flet për mënyrën e krijimit të Hënës. Deri më tani, shkencëtarët mbështesnin mendimin se Hëna është krijuar si pasojë e përplasjes së një asteroidi në madhësinë e Marsit me Tokën.  

Astronomi Robin Canup nga Instituti Jug-perëndimor i Studimeve në Texas të SHBA  ka përgatitur një model që shpjegon përplasjen e madhe.

Sipas Canup gjatë përplasjes dy strukturat ishin respektivisht 4 ose 5 herë më të mëdha se Marsi dhe sa gjysma e Tokës sot. 

Pas përplasjes së parë dy strukturat janë bashkuar me njëra-tjetrën. Më pas rreth Tokës u krijua një disk nga materialet që do të krijonin Hënën. Sipas Canup përplasja dhe ribashkimi, i cili ka ndodhur mes këtyre dy trupave qiellore mund të shihet edhe në përbërjet kimike.

Para dy viteve, instituti i studimit Niels Bohr, degë e Universitetit të Kopenhagenit ka realizuar një studim i cili tregon se përplasja ka ndodhur 150 milion vite pas krijimit të sistemit diellor. Robin Canup i ka publikuar rezultatet e studimit në revistën  shkencore online “Science”, e financuar nga Insituti i shkencave të NASA-s në Kaliforni.