Ia “shpëton” jetën dhe ia vjedh kuletën! (Video)

Hajduti vjedh paratë, kthen kuletën dhe të gjithëve në lokal ua paguan pijet.

Amerikani Bryan Kuegler mund të marrë pesë vjet burg meqë ka plaçkitur njeriun që i vinte të villte në lokal, e pastaj me ato para qerasi të pranishmit. Gjithçka u regjistrua nga kamerat e sigurisë.

Viktima Larry Lotter mendonte se kishte atak në zemër kur ra dysheme në një lokal në Williamson të SHBA-ve, raporton Daily Mirror, transmeton Telegrafi.

Kuegler ishte një nga mysafirët e pranishëm dhe i del në ndihmë. Por, ai vodhi kuletën e tij me 100 dollarë. Fillimisht shkoi në WC, nxori dy bankënota nga 50 dollarë, e ktheu kuletën ku ra Lotteri dhe u tregua “zemërgjerë” me qerasje! /Telegrafi/