Eliza Dushku kërkon të njoh shqiptarët, organizon festë në Detroit

Aktorja e njohur me origjinë shqiptare Eliza Dushku duket se nuk qëndron dot larg bashkëkombasve të saj. Eliza Dushku ishte pjesëmarrëse në eventin e suksesit shqiptaro-amerikan në SHBA, pak ditë më parë ku ishin të ftuar shumë personazhe me orgjinë shqiptare që kanë bërë një karrier të suksesshme në Amerikë në fusha të ndryshme. Tashmë Dushku po planifikon të organizojë një festë vetëm me shqiptarë që jetojnë në Amerikë veçanërisht në Detroit. Në një postim të saj në Twitter, Eliza Dushku shkruan se e di që në Detriot ka shumë shqiptar dhe se ajo ka dëshirë ti takojë. “Shqiptarët në Detroit, Michigan. E kuptoj që atje ka shumë prej jush, unë dua të vij dhe t’ju njoh. A mund të planifikojmë një festë ?” shkruan Dushku në Twitter. Menjëherë në postimin e saj janë përgjigjur me dhjetra shqiptar që kanë shprehur dëshirën për një organizim të tillë, madje ka edhe nga ata që edhe pse nuk janë shqiptar kërkojnë të jenë pjesëmarrës.